Үтүө сарсыарда биир дойдулаахтарым, Ньурбам дьоно! Эҕэрдэ буоллун Уус-Алдан улууһуттан, Бороҕон сириттэн!...

Бүгүн Спартакиада иккис күнэ. Бэҕэһээ манна тыал-куус түһэн, үгүс сааххаллары таһааран, уот, сибээс арахсан Бэрт Кут ютуб ханаалбытыгар олус хойут матырыйаалбытын таһаардыбыт.

Санатан эттэххэ оройуоммут сүүмэрдэммит спортивнай хамаандата от ыйын 2 күнүттэн Ньурбаттан, Дьокуускай куораттан айаннаан Бороҕон сирин булан от ыйын 3 хонугар бары муһуннубут. Барыта 15 көрүҥҥэ 80 спортсмен бэйэтин тургутан көрүөҕэ, күрэхтэһиэҕэ. Миэстэтигэр, Мындааба сэлиэнньэтигэр бэртээхэй Кэнчээри оҕо уһуйааныгар Спартакиада ыытыллар кэмигэр таабылланныбыт. Ньурба оройуонун эрэ көрсөр буоланнар үлэһиттэр эйэҕэстэрэ, болҕомтолоохтук сыһыаннаһаллара харахха быраҕыллар. Спортсменнар доруобуйаларын туруга этэҥҥэ, сөбүн көрөн тренердар көрүҥ аайы хамаанданы эччийэллэр. Бэҕэһээ тэҥ киирсиигэ футболга биир бастыҥ Мэҥэ Хаҥалас хамаандатыгар биһиги уолаттарбыт 4-3 ахсааҥҥа хоттордулар ол эрэн салгыы киирсэргэ бэлэмнэр. Сарсын футболга хаһаайыттары кытары эмиэ фаворит хамаанданы кытары көрсөр. Уолаттарбытыгар ситиһиини баҕарыаххайыҥ!
От ыйын 5 күнэ сарсыардаттан туспа, бэлэмнэммит тэрээһиннэр ыытылыннылар. Ол курдук, норуот эмчитэ, Алгысчыт Иннокентьева Алиса Михайловна биһиги хамаандабытыгар күндү ыалдьыт буолла. Спортсменнарбыт ыраастаннылар, өйү санааны сааһылаатылар, туспа турукка киирдилэр. Бэлэмнэммит сахалыы харысхаллары илиилэригэр туттулар. Ол кэннэ төлөппүөн нөҥүө оройоммут Аҕа баһылыга Алексей Михайлович бэйэтин эҕэрдэтин, санаатын тиэртэ, кыайыыны-хотууну баҕарда.
Бүгүн эмиэ олус эппиэтинэстээх күн! Биһиги хамаандабыт баскетбол, бокс, ох саанан ытыыга киирсэр. Ситиһиини баҕарыаххайыҥ!
Киэһэлик түмүктэри биллэриэхпит.
Бороҕонтон Альберт Неустроев0:090:09