От ыйын 8 күнүгэр Арассыыйаҕа дьиэ кэргэн, Таптал уонна бэриниилээх буолуу күнүгэр Ньурбатааҕы ГТАС...
15:54
09.07.2022
дьиэтигэр дьиэ кэргэҥҥэ аналлаах үөрүүлээх тэрээһин буолла
Ньурба улууһугар уонна куоракка олорор холобур буолар дьиэ кэргэннэри уонна саҥа ыал буолбут эдэр дьиэ кэргэни чиэстээтилэр. «Ньурба оройуона» МО
баһылыгын үп-экономика боппуруостарыгар солбуйааччыта Николай Иванович Бурнашев улуус баһылыгын А.М.Иннокентьев уонна тус бэйэтин аатыттан эҕэрдэлээтэ.
«Ньурба куорат» дьаһалтатын баһылыга Александр Игнатьевич Иванов, «Марха нэһилиэгэ» МТ баһылыга Иннокентьев Афанасий Николаевич, Ньурба оройуонун эпиэкэ уонна попечительство отделын салайааччыта
Валентина Семёновна Халанникова, «Арассыыйа ийэлэрэ» Ньурбатааҕы отделениетын салайааччыта Саргылана Седалищева, улуустааҕы аҕалар түмсүүлэрин салайааччыта Геннадий Васильевич Игнатьев үөрүүлээх тэрээһиҥҥэ кыттыыны ыллылар, эҕэрдэ тыл эттилэр.
Судаарыстыбаннай турук аактатын суруйуу Ньурба оройуонунааҕы салаатын салайааччыта Альбина Ивановна Алексеева 55 сыл бииргэ олорбут измуруднай сыбаайбалаахтарга, «За любовь и верность» бэлиэни Ньурба куорат олохтоохторугар Владимир Иванович, Варвара Константиновна Саввиновтарга,
Марха нэһилиэгин олохтоохторо Николай Петрович Иннокентьев уонна Мария Николаевна Григорьева, Маалыкай олохтоохторо Фрол Константинович Саввиновка, Вера Григорьевна Соловьеваҕа ыал буолан олорбуттара 50 сылларынан, кыһыл көмүс сыбаайбаларынан, Кыһыл көмүс кинигэҕэ кэргэннии буолуу туоһу сурукка киирбиттэринэн, эҕэрдэтэлээтэ.
Харахтарынан хайҕаһан, сүрэхтэринэн сөбүлэһэн, орто дойду оһуордаах олоҕор уйгулаах суолу тутуһан, оҕо-уруу тэнитээри, дьоллоох олоҕу уһансаары, үөрүүнү-көтүүнү, үтүөнү-кэрэни, олох бары очурдарын тэбис-тэҥҥэ үллэстээри эдэркээн уоллаах кыыс Александрдаах, Сардаана ыал буолар дьоро күннэрэ бүгүҥҥү бэлиэ күҥҥэ үүннэ. Эдэрдэргэ анаан эҕэрдэ үтүөтэ этилиннэ, сибэкки дьөрбөтө туттарылынна.
2020 сыллаахтан олохтоммут «Ньурба дьиэ кэргэнэ» ийэ хапытаала сэртипикээттэри «Ньурба оройуона» МО баһылыгын солбуйааччыта Николай Бурнашев 4-с оҕолорун оҕоломмут ийэлэргэ: Октябрьскай нэһилиэк олохтооҕор Прокопьева Лидия Исаевнаҕа, Ньурба куораттан Михайлова Мария Юрьевнаҕа, 5-с оҕолорун күн сирин көрдөрбүт ийэлэргэ, Ньурба куораттан Андреева Татьяна Андреевнаҕа,Иванова Надежда Михайловнаҕа, Ньурба куорат олохтооҕор Гаврильева Ольга Альбертовнаҕа, 9-с оҕотун күн сирин көрдөрбүт Маалыкай нэһилиэгин олохтооҕор Кононова Сусанна Николаевнаҕа туттартаата.
2022 сылтан Саха Өрөспүүбүлүкэтигэр Ийэ сыла биллэриллибитинэн Ньурба оройуонун Аҕа баһылыгын уурааҕынан уонна оройуон сэбиэтин быһаарыытынан 3-с уонна онтон кэлэр тулаайах хаалбыт оҕону иитэ ылбыт дьиэ кэргэттэргэ «Ньурба оҕону иитиигэ ылбыт дьиэ кэргэнэ» муниципальнай биир кээмэйдээх көмө уонна 5 оҕону ииппит, иитэ сылдьар дьиэ кэргэттэргэ «Үтүө сүрэх» өйдөбүнньүк бэлиэ олохтоммута. Ньурба улууһугар барыта иитиэх оҕолору ылбыт 9 дьиэ кэргэҥҥэ 33 оҕо иитиллэр. Быйыл 5-ис уонна 9-ус оҕолорун иитэ ылбыт дьиэ кэргэттэргэ 100 000 солкуобайдаах муниципальнай көмө сэртипикээттэрин 5 оҕону иитэ сылдьар Михайлова Федора Николаевнаҕа, Ньурба куорат олохтооҕор, 9 оҕону иитэ сылдьар Васильев Алексей Сергеевичкэ, Хатыы нэһилиэгин олохтооҕор, «Үтүө сүрэх» өйдөбүнньүк бэлиэни 6 оҕону иитэ сылдьар Иннокентьева Анна Прокопьевнаҕа, Акана нэһилиэгин олохтооҕор Николай Бурнашев туттартаата.
Бүгүҥҥү үөрүүлээх тэрээһиҥҥэ ырыа куттаах Светлана Васильева, Алена Павлова ылбаҕай ырыалары бэлэхтээтилэр. Дьиэ кэргэннэргэ дьоллоох олоҕу, туйгун доруобуйаны, үгүс элбэх сиэннэр, хос сиэннэр сылаас мичээрдэрэ үөрдэ-көтүтэ, дьолунан угуттуу турдуннар!
