Сэтинньи ый 22 күнүгэр Музыка для всех, Образование + Культура бырайыактар чэрчилэринэн, дойдубутугар Дьиэ кэргэн.

Сэтинньи ый 22 күнүгэр “Музыка для всех”, “Образование + Культура” бырайыактар чэрчилэринэн, дойдубутугар Дьиэ кэргэн, Оҕо саас сылларыгар олоҕуран “Кыталык” КД IV төгүлүн “Чуораанчыктар-2024” оҕолор вокальнай күрэхтэрэ үрдүк таһымҥа ыытылынна. Бу күрэххэ Ньурба улууһун уһуйааннарыттан уонна алын сүһүөх кылаас оҕолоруттан барыта холбоон 200 тахса оҕо кыттыыны ылла.

Бырайыак ааптарынан – Иванна Иванова - Н.И.Харитонов – Николай Чуор аатынан «Кыталык» КД иһинэн үлэлиир айар холбоһуктар салайааччылара, сүүрбэттэн тахса ырыа автора, «Ырыа куттаах уоланнар», «Чуораанчыктар», «Два голоса», «Звездный класс» творческай проектар автордара буолар. Ньурба улууһун үөрэҕирии салалтатын кытта урут–уруккуттан биир ситимнээхтик үлэлэһэн, маннык хабааннаах бырайыактар олоххо киирэн, дьон биһирэбилин ылаллар.

Күрэҕи бэркэ иилээн-саҕалаан ыыттылар Ньурбатааҕы элбэх хайысхалаах гимназия 5 –с кылааһын үөрэнээччитэ Сандаара Владимирова уонна Ньурбатааҕы үөрэҕирии управлениетын иитэр-үөрэтэр уонна эбии үөрэхтээһин отделын сүрүннүүр исписэлииһэ Василий Семенов.

Бүгүҥҥү күрэх оҕолор саастарынан тыырыллан, уһуйаан саастаах, оскуола оҕото диэн арахсан лауреаттар, дипломаннар ону таһынан икки Гран При баар буолан элбэх оҕо наҕараадаҕа тиксибитэ кыттааччылары үөртэ.

Күрэҕи истэн дьүүллээтилэр Федоров Максим Иванович-Ырыа Махсыым, Н.И.Харитонов-Николай Чуор аатынан «Кыталык» КД айар холбоһуктарын салайааччыта, СӨ мелодистарын союһун чилиэнэ, СӨ култууратын туйгуна, Шестакова Айыына Алексеевна, Ньурбатааҕы оҕо искусствотын оскуолатын хоровой кылааһын уһуйааччыта, Семенов Роман Афанасьевич, Ньурбатааҕы судаарыстыбаннай көһө сылдьар драматическай тыйаатыр артыыһа, СӨ култууратын туйгуна, Черноградская Снежана Юрьевна, Н.И.Харитонов-Николай Чуор аатынан «Кыталык» КД хормейстера, Степанова Наталья Валерьевна, эбии үөрэхтээһин уһуйааччыта, ырыаһыт.

Уопсайа 5 чаас устата ыытыллыбыт күрэххэ уһуйаан саастаах оҕолорго түмүк маннык буолла: ансаамбылынан толорууга Дипломант 3 ст. – Хатын Сыһыыттан М.Ф.Алексеева аатынан уһуйаан иитиллээччилэрэ “Чуораанчык” квартет, Дипломант 2 ст. - «Виноградинки» ансаамбыл, «Алёнушка» уһуйаан, Дипломант 1 ст. – Хаҥаластан Н.И.Кочнев аатынан уһуйаан кыргыттар квартеттара. Лауреат 3 ст.- «Родничок» уһуйаантан «Үрүйэчээн» ансаамбыл, Лауреат 2 ст. –Октябрьскай нэһилиэк «Ромашка» уһуйааныттан «Кустук» ансаамбыл. Лауреат 1 ст. - «Сардаана» уһуйаантан «Күнчээн» ансаамбыл. Дуэттарга, триоларга о.э аччыгый форма анал аатка Дипломант 3 ст. - Чуукаар нэһилиэгиттэн дуэт Андреев Владик, Скрябина " Ымыычаан" уһуйаантан, Дипломант 2 ст.- Сүлэттэн " Улыбка" уһуйаантан дуэт "Чуораанчык", Николаева Эсланда, Петров Виталий, Дипломант 1 ст.- Маар нэһилиэгиттэн «Күнчээн» уһуйаантан Карина Егорова, Ванесса Андреева буоллулар. Лауреат 3 ст. - «Северяночка» уһуйаантан Прокопьев Ян, Саввинов Андрей, Данилов Нестер - уолаттар триолара, Лауреат 2 ст. - «Кэнчээри» уһуйаантан Григорьева Таисия, Алексеева Алесия, Алексеева Сайнаара, Лауреат 1 ст. – “Туллукчаан” уһуйаантан Васильева Арина, Ломпорова Каролина, Никитина Самаана буоллулар. Биирдиилээн толорууга Дипломант 3 ст.- Ньурба куоратыттан «Сардаана» уһуйаантан Типянова Аделина, Дипломант 2 ст. - «Родничок» уһуйаантан Радионова Анюта, Дипломант 1 ст. - Кировтан Д.И.Николаев аатынан уһуйаан –оскуолаттан Иванова Алина, Лауреат 3 ст. – Чуукаартан " Ымыычаан" уһуйаантан Скрябина Эльза, Лауреат 2 ст. - «Кыталык» уһуйаантан Андреев Тимур, Лауреат 1 ст. - «Күнчээн» уһуйаантан Семенова Лорелея. Кылаан кыайыылааҕынан буоллулар Маар сэл. “Күнчээн” оҕо уһуйаанын иитиллээччилэрэ - «Ыллыыр чыычаахтар» квартет, салайааччы Тобонова Виктория Александровна.

Оскуола оҕолоругар түмүк маннык: ансаамбылынан толорууга Дипломант 3 ст. – Октябрьскай нэһилиэктэн «Мичийээнэ» ансаамбыл, Дипломант 2 ст.- Д. И. Павлов аатынан Өҥлдьөтөөҕү орто оскуолаттан «Ымыычаан» ансаамбыл, Дипломант 1 ст. - С.С.Сюльскай аатынан орто оскуолаттан «Дьиэрэйдэр» уолаттар ансаамбыллара, Лауреат 3 ст.- Ст.Васильев аатынан элбэх хайысхалаах гимназияттан «Нюрбинка» ансаамбыл, Лауреат 2 ст.- С.С.Потапов аатынан Убайаан орто оскуолатыттан уолаттар ансаамбыллара, Лауреат 1 ст. - С.С.Потапов аатынан Убайаан орто оскуолатыттан «Дьиэрэй» кыргыттар ансаамбыллара буолла. Дуэттарга Дипломант 1 ст. – Маар орто оскуолатыттан трио - Сильвия Михайлова ,Айсаара Ноева, Илона Федорова. Лауреат 3 ст.- В.Н.Иванов аатынан Дьаархан орто оскуолатыттан Григорьева Александра, Васильева Нария, Васильева Микаэла, Лауреат 2 ст.- М. С. Егоров аатынан Ньурбатааҕы 2-с орто оскуолаттан дуэт Анникова Марина , Никитина Элеонора, Лауреат 1 ст.- Маар орто оскуолатыттан Анастасия Николаева, Евдокия Тобонова буоллулар. Биирдиилээн толорууга Дипломант 3 ст.- Н.Н.Чусовской аатынан орто оскуолаттан Вика Семенова, Дипломант 2 ст - Егомина Джулия - С.С. Потапов аатынан Убайаан орто оскуолатын үөрэнээччитэ, Дипломант 1 ст. - Ст.Васильев аатынан элбэх хайысхалаах гимназияттан - Айдемир Андреев, Лауреат 3 ст.- В.Н.Иванов аатынан Дьаархан орто оскуолатыттан Александра Григорьева, Лауреат 2 ст. – Маар орто оскуолатыттан Гаврильев Вова, Лауреат 1 ст. – Хаҥалас орто оскуолатыттан – Жданов Федор буолла. Уонна оскуола үөрэнээччилэригэр Кылаан кыайыылааҕынан буолла Акана орто сокуолатыттан – Кира Иванова.

Бу “Кыталык” КД иһинэн үлэлиир быйыл төрдүс төгүлүн ыытыллар оҕону ырыа кэрэ эйгэтигэр сыһыарар, саҥа талааннары арыйар сыаллаах улахан бырайыак дьаҥ да саҕана тохтообокко кэтэхтэн форматтаах ыытыллан, сылын аайы бэйэтин кыттааччыларын мунньа турара киһини үөрдэр. Ыллыан баҕалаах оҕолор, маннык күрэхтэргэ кыттан сайдаллар, үүнэллэр, дьоҕурдара арыллан бу күрэхтэн куорсун анньынаннар эстрада эйгэтигэр сысталларыгар олук буолуо диэн эрэллээхпит.

(Я) -2024