#Repost @departamentkulturynrb with
@make_repost・・・
Үөһээ Бүлүү, Кэнтик нэһилиэгэр, Чап Уус Өрөспүүбүлүкэтээҕи уустар күрэхтэрэ буолан ааста. Уопсайа 9 улуустан кэлэн күөн көрүстүлэр.
Анньыы күрэҕэ икки көрүҥүнэн барда: аныгы Анньыы уонна былыргы мас уктаах саха анньыыта.
Күрэххэ биһигиттэн үс уол кытынна: Баишев Александр (Хаҥалас) икки күрэххэ иккиэннэригэр субуруччу кытынна,(аныгы анньыыга үс ойбон алларар, саха анньыытыгар биир ойбону) уонна Саввинов Иван Саха анньыытыгар, Арсен аныгы анньыыга. Уолаттар бэйэлэрин оҥорбут анньыыларынан кыахтарын толору үлэлээтилэр.
Анньыы күрэҕэр араас улуустан 40 кыттааччы күөн көрүстэ.
Аныгы саха быһаҕар 36 кыттааччы, биһигиттэн 6 уол кытынна,
Уһаарыы тимиртэн болгуо быһахха 17 уус кытынна, биһигиттэн үс уус: Афанасьев Андрей Сата тимириттэн быһаҕынан муҥутуур кыайыылаах буолла, уолаттар да быһахтара кыранан хаалла. Былырыын 1, 2 миэстэни ылбыппыт, быйыл да Сатабыт тимиринэн бастаатыбыт.
Ону таһынан уус-уран быһахха Тимофеев Иван (Хатыы) Ньурба гербэтигэр олоҕуран оҥорбут композицията 1 миэстэ буолла.
Кыптыый күрэҕэр мин кытынным, дьүүллүүр сүбэҕэ иистэнньэҥнэр араас таҥаһы кырыйан тургутан көрдүлэр. Манна кыптыыйым 3 миэстэ буолла.
Аныгы быһах тургутуутугар 46 быһах кытынна.
1) 30 сөкүүндэҕэ 25-тэн элбэх кырбаһы быһыы канат.
2) быһах, тайах муоһугар биитинэн тайанан турдаҕына, ончоҕор 2 киилэлээх тимири 70 см. үрдүктэн түһэрии.
3) 3 см. бөкүнүк хатыҥ маһы быһыы.
4) халыҥ канаты 3-тэ быһыы.
5) быһах ончоҕор 6 киилэлээх тимир ууран туран алтан турбаны быһыы.
6) 30 сөк. төһө кыалларынан элбэх канаты быһыы.
Быһах туох да буолбата, эрчиллии суоҕа таайда. Кыайбыт уолаттар наар кыайар чаҕылхай республика норуот маастардара: 1- Хаҥалас улууһа, 2- Бүлүү Сыдыбыл.
Ньурбаттан биһиги сэттэ буолан баран кэллибит.
Мин уолаттары кытыннара диэн уонна сүрүн соругум балаҕан ыйыгар буолуохтаах тимир уһаарыытын фестивалыгар атын улуустар уустарын көрсүү, фестиваль ыытыытын быһаарсыы этэ. Санаабын син ситтим, элбэх уус кэлэрин биллэрдэ. Онон, улуу уустары көрсөргө бэлэмнэнэбит.
Ариан Афанасьев.
