Бүгүн Антоновкаҕа Производственнай уулуссаҕа А.Я.Овчинникова аатынан "Түһүлгэ" НАК үөрүүлээх аһыллыыта буолла.

Бүгүн Антоновкаҕа Производственнай уулуссаҕа А.Я.Овчинникова аатынан "Түһүлгэ" НАК үөрүүлээх аһыллыыта буолла.

1500 кв.м кэриҥэ иэннээх дьиэ билиҥҥи туругунан дизайнерскай киэргэтиитэ хаалан турар.

Үөрүүлээх тэрээһиҥҥэ улуус баһылыга Алексей Иннокентьев, депутаттар Сэбиэттэрин бэрэссэдээтэлэ Нюргуяна Михайлова, тутуу управлениетын салайааччыта Константин Иванов, Октябрьскай нэһилиэк баһылыга Семен Корякин, култуура департаменын салайааччыта Розалия Тихонова, "Региональнай сайдыы" ХЭТ дириэктэрэ Альберт Васильев уонна АЛРОСА тэрилтэттэн Зелимхан Кцоев кыттыыны ыллылар.

Саҥа киин алмаастан киирэр үп суотугар тутулунна. 2019 сылтан саҕаламмыт тутуу 5 сыл иһигэр элбэх ыарахаттары көрүстэ, ону ол диэбэккэ улуус салалтата, бэдэрээтчик ситимнээх үлэлэрин түмүгэр саҥа кулууп дьиэтэ үлэтин саҕалаата.

Эрдэ техническэй арыллыыта былааннанан турбут эбит буоллаҕына, бүгүҥҥү тэрээһиҥҥэ Константин Русланович иллэрээ күн көҥүл ылбыттарын, онон тэрээһиннэри ыытан саҕалыахха сөбүн иһитиннэрбитин мустубут дьон бары уруйдуу-айхаллыы иһиттилэр

Тэрээһиҥҥэ НАК дириэктэригэр Матрена Прокопьевнаҕа А.Я.Овчинникова аатынан Бочуоттаах бэлиэни улуус баһылыга Алексей Михайлович туттарда.

Кулууп тутуутугар үлэлэспит дьоҥҥо махтал суруктар туттарылыннылар.

Лена Петрова

@gazetanyurba @ulusmedia