Тохсунньу 29 күнүгэр "Тойук" норуот айымньытын дьиэтигэр Ленинград куората төгүрүктээһинтэн босхоломмута 81 сылыгар анаммыт тематическай биэчэр буолла

Тохсунньу 29 күнүгэр "Тойук" норуот айымньытын дьиэтигэр Ленинград куората төгүрүктээһинтэн босхоломмута 81 сылыгар анаммыт тематическай биэчэр буолла.
Тэрээһиҥҥэ нэһилиэк олохтоохторо уонна оскуола оҕолоро кыттыыны ыллылар.
Тэрээһини Винокурова В.Ю.,Васильева А.Н.,Осипова М.Р. "Защитникам блокадного Ленинграда" диэн патриотическай ырыанан арыйдылар.
Төгүрүктээһин сиэртибэлэрин кэриэстээн бары биир мүнүүтэ саҥата суох соҥуоран турдулар. Ол кэннэ түмэл сэбиэдиссэйэ Анисимова З.В. Ленинград төгүрүктээһинин историятын кэпсээтэ,презентация көрдөрдө. Ыччат политикатын специалиһа Осипова М.Р. "Блокадная ласточка" суолтатын быһаарда,билиһиннэрдэ.
НАДь "Тойук" үлэһиттэрэ (дир.Степанова Е.С.) уонна Н.И.Кочнева орто оскуолатын дириэктэри иитэр үлэҕэ солбуйааччыта Алексеева Т.А. "Блокада карточката", "Георгиевскай Лента" уонна "Блокада килиэбэ" акцияны тэрийэн ыыттылар.
Салгыы оҕолор өйдөрүн тургутар аналлаах квиз-оонньуу буолла. Оонньууну олохтоох библиотека үлэһитэ Васильева А.Н. ыытта. Оҕолор 5 хамаандаҕа арахсан күрэхтэстилэр. Оонньуу олус көхтөөхтүк,сэргэхтик барда.
Квиз-оонньуу түмүгэр үс бастаабыт хамаанда значоктары уонна илиинэн оҥоһуллубут гвоздикалары бэлэх туттулар.
Тэрээһин түмүгэр уопсай өйдөбүнньүк хаартыскаҕа түстүлэр.

️В.А.Петрова аатынан кыраайы үөрэтэр түмэл