Гепатит С диэн тугуй?

Гепатит С диэн тугуй?

Саха сиригэр С гепатиты утары охсуһуу нэдиэлэтин чэрчитинэн Ньурба оройуонун киин балыаһатын инфекционист бырааһыттан - Николай Анатольевич Анисимовтан гепатит С туһунан туоһуластыбыт.

"Вирустаах С гепатит — быар цирроһугар уонна араагар, атын уорганнар сүһүрүүлэригэр  тириэрдиэн сөптөөх улахан ыарыы.
Вирус хаан нөҥүө бэриллэр. Хомойуох иһин, үгүс киһи ыарыыга сыстыбытын туһунан билиэ суоҕун сөп. Тоҕо диэтэххэ, ыарыы сибикитэ үксүгэр суох буолар эбэтэр олох да биллибэт. Нуччалыы эттэххэ "Ласковый убийца" диэн ааттыыллар эбит. Билигин мэдиссиинэҕэ С гепатикка сыстыыны уонна тарҕатыыны утары ньымалар бааллар. Бастатан туран, быраастарга тиһигин быспакка көрдөрүнэ сылдьыахха, диспансеризацияны ааһыахха уонна вирустаах С гепатикка тиэһи толоруохха наада. С гепатиты эмтииргэ уонна салгыы тарҕанарын бопсууга  көмөлөһөр көдьүүстээх терапия баар. Ол иһин, ыарыы бастакы сибикитэ билиннэ да,  бырааска көрдөрүнүллэр уонна кини этиитинэн эмтэниллэр." диэн кэпсиир Николай Анатольевич.

Видеону толору көрөн бу ыйытыыларга эппиэт буолуоххут:
1. Гепатит С диэн тугуй?
2. Киһи доруобуйатыгар ити ыарыыттан туох куттал үөскүөн сөбүй?
3. Хайдах ити ыарыыны быһаарылларый?
4. Гепатит С хайдах эмтэниллэрий?
5. Бэйэбитин хайдах харыстанабыт?

Бэйэбитин көрүнэн-истинэн, кэмигэр балыаһаҕа көрдөрөн, тус гигиенаны тутуһан, чэгиэн-чэбдик буолуоҕуҥ!

Ньурба оройуонун киин балыаһатын Пресс-сулууспата