БАЛАҔАН ЫЙЫН 12 КҮНҮГЭР НЬУРБА 3-С N-ДЭЭХ АЛЫН СҮҺҮӨХ ОСКУОЛАТЫГАР СААХЫМАТ КЫЛААҺА АРЫЛЫННА

БАЛАҔАН ЫЙЫН 12 КҮНҮГЭР НЬУРБА 3-С N-ДЭЭХ АЛЫН СҮҺҮӨХ ОСКУОЛАТЫГАР СААХЫМАТ КЫЛААҺА АРЫЛЫННА

Билигин тʏргэнник, тэтимнээхтик сайдар олох кэмигэр саахымат оонньуута оҕо интеллектуальнай ѳйѳ-санаата сайдарыгар, тобуллаҕас ѳйдѳѳх буоларыгар, элбэх туһалаах хаачыстыбалары иҥэринэригэр улахан кѳмѳлѳѳх. Ол иһин биһиги улууспутугар оҕолор ортолоругар саахымат оонньуутун сайыннарыыга ураты болҕомто уурулларын кэм-кэрдии ирдиир. Ол курдук, биһиги Ньурба 3-с №-дээх алын сʏһʏѳх оскуолабытыгар 1б кылааска саахымат кылааһа арыллыытыгар дириэктэрбит Петр Петрович Кузьмин эҕэрдэ тылынан саҕаланна. Ол кэннэ бэйэтин итии истиҥ эҕэрдэтин тиэртэ Ньурба оройуонун аҕа баһылыгын солбуйааччыта, саахымат федерациятын салайааччыта Эдуард Николаевич Мярикянов уонна кыра сэмэй бэлэх туттарда. Салҕыы тылы Ньурба куораппыт а5а баһылыга Геннадий Васильевич Игнатьев ʏѳрʏʏлээх быһыыга-майгыга бэйэтин бэлэхтэрин туттарда. Оройуоннааҕы Yѳрэҕирии салалтатын салайааччытын солбуйааччыта Лена Мартыновна Котоконова эҕэрдэ тылларын эттэ. Бʏгʏҥҥʏ ʏтʏѳ кʏҥҥэ оскуолабытыгар саахымат кылааһа арыллыытыгар кʏʏс кѳмѳ буолбут меценатпыт Степан Викторович Осипов бэлиэ кʏнʏнэн эҕэрдэлээтэ. Арыллыыга оҕолорбут саахымат туһунан хоһоон эттилэр, ʏҥкʏʏлээтилэр. Саахымат кылааһыгар учууталынан ананна саахыматы ѳрѳ тутар, Ньурба оройуонугар биллэр шахматист Иванов Геннадий Игнатьевич. Ѳссѳ биир саамай кʏндʏ ыалдьытынан буолла Семенов Валерий Федорович, Ньурба оройуонун биир биллэр шахматиһа. Тʏмʏгэр, оҕолор улахан дьону кытта оонньоон кѳрдʏлэр.

Э.Г.Гагарина, дириэктэри иитэр-ʏѳрэтэр ʏлэҕэ солбуйааччы.