Саха буолан сандаарыах, киһи буолан килбэйиэх! ️️️

Саха буолан сандаарыах, киһи буолан килбэйиэх! ️️️

Күндээдэ нэһилиэгэ сахалар төрүт, өй-санаа бииргэ түмсэр үҥкүүбүтүн өрө тутан - оһуохай кырдалын ыһаннар Өрөспүүбүлүкэбит күнүн бэлиэтээбиттэрэ социальнай ситимнэринэн киэҥник тарҕанна. Видеоҕа уол оҕо аһары диэн ылыннарыылаахтык, уутугар-хаарыгар киирэн оһуохай тылын этэн, дьонун илиилэриттэн тутуһуннаран, төгүрүччү хаамтара сылдьара дьон болҕомтотун тарда. «Герасимов Самир Герасимович - Күндээдэ орто оскуолатыгар 8 кылааска үөрэнэр. Үөрэҕэр отличник. Кыратыттан оһуокайдыыр этэ. Мин бэйэм 2024 сыл күһүнүттэн С.Н.Эверстова аатынан «Туску» норуот айымньытын дьиэтигэр фольклор исписиэлииһинэн улэлии тахсыбытым. Билигин «Сардаана» о5о фольклорнай ансаамбылын арыйан үлэлэтэ сылдьабын. Самир солист. Тойугунан, оһуокайынан, хомуһунан дьарыгырабыт. Республика араас фольклорнай күрэхтэригэр бастаата 2024-25 сылга. Ол курдук, сэтинньи ыйга Бүлүү куоратыгар республиканскай оһуокай күрэ5эр 2 үрдэл буолбута.
Культура департаменын иһинэн Олоҥхо оскуолата туруорбут «Күн тэгиэримэн» олоҥхо туруоруутугар биир сүрүн оруолу ылан кыттыспыта. Бу саас «Идэтийии» диэн Культура уонна искусства колледжа ыыппыт республиканскай фольклор көрүҥнэрин чемпионатыгар оһуокайга 1 урдэл, тойукка 3 үрдэл буолбута. Оройуоҥҥа ыытыллар тойук, оһуокай, хомус көрүҥнэригэр куруук бастакы миэстэни ылар. Самир бэйэтэ сөбүлээн дьарыктанар» диэн сырдатта учуутала Валерий Ньургунович Платонов.
Валерий Платонов бэйэтэ ураты суоллаах-иистээх, саха төрүт култууратын тарҕатааччы, айылҕаттан талааннаах эдэр ыччат буолар.

Бу курдук кэнчээри кэскил ыччаттардаах буоллахпытына - сахабыт төрүт үгэстэрэ, култуурата уостубакка - көлүөнэттэн-көлүөнэҕэ тарҕанан үйэлэргэ дуораһыйан, үүнэн-сайдан, чэчирии туоруо диэн эрэнэбит!

Ньурба Дьаһалтатын Пресс-сулууспата