Архыып докумуоннарын сөптөөхтүк туһанар киһи элбэҕи ситиһэр, үгүс билиилэнэр уонна чахчы буолбуту туоһулуур.

Архыып докумуоннарын сөптөөхтүк туһанар киһи элбэҕи ситиһэр, үгүс билиилэнэр уонна чахчы буолбуту туоһулуур.
Ыам ыйын 27 күнүгэр улуустааҕы архыыпка олорор сирдэрин историятын билиэн, архыыпка үлэлии үөрэниэн баҕалаахтарга "Архыып докумуоннарын туһаныы" диэн остуол тула кэпсэтии буолан ааста. Кэпсэтиигэ оройуоммут биллэр краеведтара М.П. Николаева, Т.Д. Сидорова уонна Антоновка оскуолатын түмэлин салайааччыта П.М. Захарова кыттыыны ыллылар.
Архыып сэбиэдиссэйэ Л.П. Додохова маҥнай пуондалары, интэриэһинэй дьыалалары кытта билиһиннэрдэ, ол курдук дөссө да үөрэтиллэбэккэ сытар, бэйэтин кэмнэрин кэтэһэр докумуоннар баалларын бэлиэтээтэ. Ол кэннэ Национальнай биибилиэтикэ уонна Национальнай архыып сайтарыгар хайдах электроннай докумуоннары көрүөххэ сөбүн сырдатта.
Оройуоммут биллэр краеведа Татьяна Дмитриевна Сидорова, хайдах курдук суруйар, чинчийэр үлэтин са5алаабытын туһунан кэпсээтэ, ол кэннэ нэһилиэгин (Бэстээх, Омолдоон) Аҕа дойду сэриитин кыттыылаахтарын ааттарын хайдах булаттаабытын, ааттарын сөргүппүтүн туһунан үллэһиннэ.
Үөдэй баһылыга Мария Пудовна Николаева бу кэлиҥҥи сылларга нэһилиэгин историятын отой саамай саҕаланыытыттан үөрэтэн киэҥ эйгэҕэ таһаарда, сотору кэминэн Аҕа дойдутун сэриитин кыттыылаахтарын, тыыл бэтэрээннэрин, колхоз саҕанааҕы кэмнэр тустарынан суруйуута тахсыахтаах, бу үлэтин хайдах бэлэмнээбитин, архыыптартан тугу хомуйсубутун кэпсээн дьон сэҥээриитин ылла.
Остуол тула кэпсэтиигэ бэйэлэрин үлэлэрин сырдаттылар Прасковья Михайловна Захарова, Александров Александр Петрович - Сахса Тар.
Ити курдук, архыыпка бэрт сэргэх, интэриэһинэй кэпсэтии буолан ааста. Кыттааччылар маннык көрсүһүүлэри өссө да оҥоро туруохха наада дэстилэр.
Архыып коллектива Мария Пудовнаҕа, Татьяна Дмитриевнаҕа, Александр Петровичка, Прасковья Михайловнаҕа ыҥырыыбытын ылынан көрсүһүүбүтүн сэргэхсиппикитигэр махталбытын тиэрдэбит уонна таһаарыылах үлэни баҕарабыт!