Ааспыт нэдиэлэҕэ Маалыкайга бэрт сэргэх тэрээһин буолан ааста. Нам улууһуттан “Аммосов десана”...

общественнай түмсүү 12 эр хоһууна Саха АССР тэриллибитэ 100 сылыгар, партийнай диэйэтэл М.К.Аммосов төрөөбүтэ 125 сылыгар анаан кэлэ сырыттылар.
Аммосов десана П.Ойуунускай төрөөбүт сирэ Тааттаҕа, С.Аржаков дойдута Бүлүүгэ, И.Барахов дойдута Үөһээ-Бүлүүгэ уонна Ст.Васильев дойдутугар Ньурба Маалыкайыгар улуу убайдарбыт төрүт түөлбэлэринэн сырыттылар.
Кинилэри Ньурба сиригэр ыччат политикатын салаатын үлэһиттэрэ, Маалыкай ыалдьытымсах дьоно-сэргэтэ арыаллаатылар. Бастатан туран, Степан Васильев төрөөбүт алааһыгар Тойон Уйалаахха баран сибэкки дьөрбөтүн уурдулар, ахтан-санаан аастылар.
Салгыы Маалыкайга музейга, искусство оскуолатыгар “Айар киин” культура дьиэтигэр сырыттылар, бэйэлэрэ бэлэмнээбит концертарын көрдөрдүлэр. Истиҥ көрсүһүү түмүгүнэн Ньурбатааҕы ыччат политикатын кытары салгыы бииргэ үлэлииргэ сөбүлэҥ түһэристилэр.