Бүлүү бөлөх улуустарыгар ыытыллыбыт «МҮЧҮК-2026» театральнай коллективтар күрэхтэрэ
11:28
20.02.2026
Бүлүү бөлөх улуустарыгар ыытыллыбыт «МҮЧҮК-2026» театральнай коллективтар күрэхтэрэ
Олунньу 20 күнүгэр Бүлүү бөлөх улуустарын оскуолаларын театральнай коллективтарын икки ардыгар ыытыллар «МҮЧҮК - 2026» күрэҕэ Ньурба театрын сценатыгар ыытылынна. Тэрийээччилэр – Ньурба оройуонун үөрэҕириигэ салаата, Ньурба 3-c №-дээх алын сүһүөх оскуолата уонна Ньурба государственнай көhө сылдьар драматическай театра.
Быйылгы күрэхпит ананна Дмитриев Иннокентий Аксентьевич – Сиэн Чолбодук 95 сааҺыгар уонна Ньурба 3-с нүөмэрдээх алын сүҺүөх оскуолатын 55 сылын туолар юбилейдаах сылыгар.
Бу күрэххэ барыта 8 оскуола алын сөһүөх кылаастарын театральный коллективтара кыттыыны ыллылар. Барыта 78 о5о кэлэн кытынна
Дьүүллүүр сүбэ түмүк таҺаарар кэмигэр Ньурба тыйаатырын артыыстара Вера Лазарева, Ефрем Татаринов о5олорго маастар – кылаастары ыыттылар
Күрэ5и ыытта Семенова Мария Егоровна, Саха Өрөспүүбүлүкэтин култууратын туйгуна, литературно-драматургическай хайысха салайааччыта.
Коллективтар үлэлэрин сыаналаатылар:
1. Саха Өрөспүүбүлүкэтин култууратын туйгуна Олег Конощук
2. Ньурба тыйаатырын эдэр артыыската Аламай Айыы Алаас кыыһа
3. Котоконова Елена Мартыновна - Ньурба оройуонун үөрэҕин салалтатын салайааччытын солбуйааччыта.
4. Михайлова Любовь Николаевна – Ромашка уһуйаан иитээччитэ.
5. Максимова Юлия Александровна – Ньурбатаа5ы киин библиотека өҥө оҥорор салаатын библиотекара.
Уопсай түмүгүнэн:
«ГРАН-ПРИ» хаҺаайынынан буолла - Сунтаар оройуонун С.Зверев аатынан Түбэй-Дьаархан орто оскуолатын «Аман-Өс» театральнай коллектива(«Эбирчээнэ Куурусса» нуучча норуотун остуоруйатын матыыптарынан көҥүл дьүһүйүү.)
Лауреаттарынан буоллулар:
1 степеннээх лауреат – Ньурба оройуонун Ньурба 3 №-дээх алын сүҺүөх оскуолатын «Мүчүк» театральнай коллектива («Хараҥа5а тыкпыт сырдык»
Суорун Омоллоон айымньытынан.)
2 степеннээх лауреат – Ньурба оройуонун Үөдэй алын сүһүөх оскуолатын «Сыккыс» театральнай коллектива («Пионер Сима Сергеев» М. Обутова-Эверстова айымньытынан.)
3 степеннээх лауреат Ньурба оройуонун Малдьа5ар орто оскуолатын «Сырдык сүүрээн» театральнай коллектива («Хачыгыр» Эрилик Эристиин айымньытынан.)
Анал ааттары уонна анал бириистэри ыллылар:
«Лучшая женская роль» - Элина Саввинова Малдьа5ар орто оскуолатын 5 кылааһын үөрэнээччитэ, «Хачыгыр» айымньыга Кэччэгэй Кэтириинэ оруолун толорон.
«Лучшая мужская роль» - Филиппов Геннадий, Ньурба 3 №-дээх алын сүҺүөх оскуолатын 4 кылааҺын үөрэнээччитэ «Хараҥа5а тыкпыт сырдык» айымньыга учуутал оруолун толорон.
«Лучшая режиссерская работа» - Сунтаар оройуонун С.Зверев аатынан Түбэй-Дьаархан орто оскуолатын «Аман-Өс» театральнай коллектива(«Эбирчээнэ Куурусса» нуучча норуотун остуоруйатын матыыптарынан көҥүл дьүһүйүү.)
«Лучшее художественное оформление» - Бүлүү оройуонун Кыаданда оскуола-садын «Үнүгэсчээн» театральнай коллектива.
«Оригинальная сценическая интерпретация» - Ньурба оройуонун Маар оскуолатын «Дьикти саас» театральнай коллектива.
«Лучший театрализованный костюм» - Сунтаар оройуонун С.Зверев аатынан Түбэй-Дьаархан орто оскуолатын «Аман-Өс» театральнай коллектива(«Эбирчээнэ Куурусса» нуучча норуотун остуоруйатын матыыптарынан көҥүл дьүһүйүү.)
Дмитриев Иннокентий Аксентьевич – Сиэн Чолбодук дьиэ кэргэнин анал бирииһин ыллылар Сунтаар оройуонун Зверев аатынан Түбэй-Дьаархан орто оскуолатын «Аман-Өс» театральнай коллектива.
Ону сэргэ, Ньурбатаа5ы көҺө сылдьар драматическай театр анал бириистэрин туттулар Ньурба оройуонун Д.И.Николаев аатынан Киирэп 9 кылаастаах орто оскуолатын театральнай коллектива.
Бары коллективтар олус кыҺаллан бэлэмнэнэн киирбиттэрэ олус хай5абыллаах.
Бары тэрийээччилэргэ, кыттыбыт оскуолаларга, салайааччыларга, оҕолорго, төрөппүттэргэ махталбытын тиэрдэбит уонна үгүс ситиһиилэри, бары үтүөнү баҕарабыт!
