Балаҕан ыйын 26 күнүгэр Хорулабыт нэһилиэгэр, Т.

Балаҕан ыйын 26 күнүгэр Хорулабыт нэһилиэгэр, Т.Р. Иванов аатынан "Кэскил" Норуот Айымньытын дьиэтигэр Сахабыт өрөспүүбүлүкэтин судаарыстыбаннай суверинитетын туһунан Декларация ылыллыбыт күнүн көрсө оскуола оҕолоругар аналлаах "САХА-Квест" оонньуу ыытылынна. Үс хамаанданан 30-ча оҕо кытынна. Оҕолор 6 түһүмэҕи ааһан илин -кэлин түһүстүлэр.

Санааны сааһылыыр, билиини кэҥэтэр, өйү сытыылыыр, туругу эрчийэр - тупсарар, талааны арыйар көрүҥнэргэ оҕолор көхтөөхтүк кытыннылар. Ол курдук сыанаҕа аҕыйах бириэмэҕэ бэлэмнэнэ түһээт тардан ылбыт тиэмэлэринэн көрдөөх - нардаах сценкалары көрдөрө оҕустулар. Оҕолорбут талааннарыттан сөхтүбүт. ("Эдэрдэр уонна кырдьаҕастар", "Ынахтар кэпсэтиилэрэ", " эмээхситтэр эдэр ыччыты ырытыылара"...), сахабыт сирин туһунан араас ыйытыктары, оонньуулары аастылар. Үҥкүүлээн да ыллылар, хабылыкка, хаамыскаҕа күрэхтэстилэр.

Күрэх түмүгүнэн "Улахан мэйиилээхтэр" хамаандалара бастаата, иккис "Ньурбалар", үһүс "Быыһастар" буоллулар.