Тустуу — олоҥхо оонньуута

Тустуу — олоҥхо оонньуута

А. А. Дмитриев төрөөбүтэ 75 сылыгар анаан ыытыллар оройуоннааҕы декада чэрчитинэн көҥүл тустууга күрэхтэһии ыытылынна.

«Саха киһитэ былыр-былыргыттан өрө туппута, биир да ыһыах, түмсүү онто суох буолбат. Олоҥхобутугар ойуулаан хоһуллан, үйэтитэ сылдьар оонньуута — тустуу буолар. Урааҥхай ууһугар уратытык тутуллан, ат бөҕөлөр албан ааттара, суон сурахтара үһүйээннэрбитигэр сөҥөн, билиҥҥэ диэри сылдьар эбээт», — диэн спорду чинчийээччи Ахмед Дмитриев 2005 сыллаахха «Чолбон» сурунаал 8-с нүөмэригэр бэчээттэммит ыстатыйатыгар суруйбута.

Поэт, энтузиаст-тренер А. А. Дмитриев төрөөбүтэ 75 сыла туолуутугар анаан ыытыллар оройуоннааҕы декада чэрчитинэн алтынньы 3 күнүгэр С. Г. Хардарысов аатынан Күндээдэ орто оскуолатыгар көҥүл тустууга 2013–2018 сыллаах төрүөх уолаттарга күрэхтэһии үрдүк таһымҥа ыытылынна.

Күрэххэ Хорулаттан, Ньурбаттан, Мархаттан уонна Үөһээ Бүлүү Кырыкыйыттан барыта 60 тустуук кэлэн күрэхтэстилэр. Күрэхтэһии үрдүк таһымнаахтык, күрэхтэhээччилэр уонна көрөөччүлэр үчүгэй утумунан буолан ааста.

Күрэхтэһии ыйааһыннарынан түмүктэрэ:

2018 с., 25 кг
1. Михайлов Эрсан (Марха)
2. Афанасьев Айаан (Нюрба)
3. Чочанов Миша (Хорула)
4. Новгородов Вилен (Нюрба)

2017 с., 32 кг
1. Седалищев Айсен (Нюрба)
2. Николаев Ваня (Хорула)
3. Корякин Гена (Марха)
4. Корнилов Анатолий (Нюрба)

2015–2016 сс., 25 кг
1. Филиппов Артём (Нюрба)
2. Николаев Коля (Марха)
3. Чочанов Артур (Хорула)
4. Перфильев Максим (Нюрба)

2015–2016 сс., 28 кг
1. Тимофеев Исаель (Нюрба)
2. Васильев Петя (Хорула)
3. Санников Сахамин (Кырыкый)
4. Новгородов Васиан (Нюрба)

2015–2016 сс., 48 кг
1. Григорьев Сергей (Марха)
2. Егоров Ян (Нюрба)
3. Одинаев Замир (Кырыкый)
4. Алексеев Сандал (Нюрба)

2015–2016 сс., 48 кг (св.)
1. Иванов Максим (Хорула)
2. Петров Эрсан (Кюндядя)
3. Васильев Артём (Марха)

2014 с., 32 кг
1. Захаров Алик (Хорула)
2. Михайлов Ренат (Хорула)
3. Антонов Айсен (Нюрба)
4. Степанов Семён (Кырыкый)

2014 с., 40 кг
1. Алексеев Женя (Хорула)
2. Саввинов Саян (Нюрба)
3. Антонов Эрхаан (Нюрба)
4. Ефремов Коля (Хорула)

2013 с., 38 кг
1. Иванов Саша (Марха)
2. Чарпыков Васлан (Нюрба)
3. Собакин Максим (Хорула)
4. Матвеев Дамир (Хорула)

2013 с., 60 кг
1. Григорьев Артём (Марха)
2. Макитов Тимур (Хорула)
3. Чочанов Саша (Хорула)
4. Иванов Ньургун (Нюрба)

Тэрийээччилэр ис сүрэхтэриттэн ылсан тэрийэр үлэни ыыппыттара — бу күрэхтэһээччилэр, тустууну көрө кэлбит дьон хараҕар тута быраҕыллар. Дьоһуннаах этиилээх, интэриэһинэй аһыллыылаах, ыһыылаах-хаһыылаах ыалдьааччылардаах күрэх буолла.

Күрэхтэһиигэ элбэх ахсааннаах спонсордар көмөлөспүттэрэ. Тустууктар истэригэр Ахмет Андреевич Дмитриев тэрийбит «Эрчим» спортивнай кулуубугар тустууга эрчиллибит, үөрэммит, уһуйуллубут уолаттар эмиэ бааллар эбит. Бу — тренергэ убаастабыл, махтаныы, өйдөбүл, сүгүрүйүү бэлиэтэ буолар.

А. А. Дмитриев аатынан оройуоннааҕы декада алтынньы 10 күнүгэр, 15.00 чааска, Ф. Г. Сафронов аатынан киин оройуоннааҕы модельнай библиотекаҕа ыытыллар «Ньургун дьонунан Ньурба аатырар!» тэрээһининэн түмүктэнэр.

Татьяна Степанова